logo-sito

slide-27 slide-20 slide-21 slide-22 slide-23 slide-24 slide-25 slide-26 slide-28 slide-29 slide-30 slider-31 slide-32
slide-20.jpg

Mini storia della Colombaia in siciliano

Pubblichiamo la mini storia dellla Colombaia di Trapani in siciliano. La traduzione è a cura di Vito Blunda che l'Associazione Salviamo la Colombaia ringrazia per la gentile collaborazione.

A Culummara di Trapani Stu nobbili casteddu è chiantatu supra n'isulidda nfacci a lu portu di Trapani. Sì l'orìggini di la cità di Trapani sunnu mpastati cu la liggenna 'un si pò diri la stissa cosa di la Culummara. Di lu casteddu nn’avemu tanta canuscenza pi tutti ddì carti chi foru scrivuti di ddì omini sturiusi chi si nnì nnammuraru e chi puru ora si ponnu lèggiri e capiri, 'un sulu comu era nton certu tempu anticu, ma puru pi tanti àutri tèmpura. Nall’èbbichi passati, hannu statu assai li carti chi foru scrivuti di li tanti omini sturiusi pi putilli cunsignari e fariccilli lèggiri a chiddi c’avianu a vèniri doppu, pi chissu 'un si pò dari raggiuni a unu cchiù chi a n’àutru. U fattu è chi nta na pocu di sti carti s'attrovanu stunaturi e pi farivilli cunfruntari cu l'àutri nutizzi mpurtanti, vi li ripurtano ccà sutta.

----------------------------------------------------------------------------------------------------------

A prima vota chi si parlau di mèttiri mperi na turri pi cullucàricci un faru, fu pinzatu (sicunnu na pocu di sturiusi) 480 anni prima di la nascita di lu Bambineddu.

I trapanisi s'accurdaru cu li cartagginisi pi fari na verra contru li greci “Sicilioti”, la cosa cumminìa falla pi putiri aviri un signali comu puntu-luci fissu pi li varchi tunisini chi avianu a vèniri n-Trapani.

Pagghiri l’annu 260 prima di Cristu, mentri si cummattia la prima verra pùnica, Amilcari Barca ci fici frabbicari na turri e un casirmuni pi li so surdati nta lu postu unni havia statu cullucatu lu primu faru.

Nta lu 249 prima di Cristu i Rumani, cumannati di lu Consulu P. Claudiu Pulcru, si pigghiaru u pussessu di lu nobbili casteddu pi t’anticchia di tempu. A la lassata, i tunisini, ammaistrati di Aderbali, si nnì mpussissaru sùbbitu.

Nta lu 241 prima di Cristu, doppu la triunfanti battaglia navali di Lévanzu, li Rumani si la pigghiaru e si la tìnniru finu a quannu 'un si nnì mpatrunèru li Barbari sarvaggi. Di li fràbbichi, doppu chi foru stracanciati, jisati na l’èbbichi chi vìnniru appressu, 'un ci sunnu ducumenta calibbrati, però si capisci a vista, a manu muderna nnistata supra l’antica.

Nto 1076, lu Conti Ruggeru, na vota chi arriniscìu na lu ntentu d’addivintari patruni di la citati Trapanisa, ordinau la migghiuranza di li furtificazioni e rafforzau a Culummara.

Nta lu 1360 junciu di la Catalogna la Riggina Custanza, mogghi di Filiricu Vintimigghia, chi sbarcau a la Culummara e si ci trattinni puru p’abbitàricci.

Fu nta lu 1480 chi Martinu Primu, ssennu addivintatu Re, misi a novu lu casteddu e assistimau tutta Culummara.

Na lu 1607 rignannu Filippu Terzu Re di la Spagna e di la Sicilia, quannu scoppiau la verra nta lu so regnu, armau e stracanciau, prima d’ogni cosa, a Culummara.

Nto 1671 rignannu Carlu Sicunnu d’Austria, fu cullucata, pi junta alla turri e all’ellissi già prisenti, na battaria cchiù nica, ma chissa vinni puntata versu lu portu. Nta lu 1848 Trapani, chi havia pigghiatu parti a li moti rivuluziunari di lu 1820, fu una di li primi citati in Sicilia a ribbillarisi contru li Borboni e,

Na lu 1849 avennu li càrciari chini chini, i ribelli trapanisi foru nchiusi nta la Culummara e di tannu fu distinata comu càrciri. Nta lu 1939 i carciarati foru purtati nto càrciari di la Vicaria e la Culummara vinni usata pi addifènniri lu portu picchì c'era scrùsciu di n’àutra verra munniali.

Nto 1943, finuta la verra, turnau a essiri nàutra vota càrciari.

Nta lu 1965 ssennusi fattu n'àutru càrciari nta la zona di San Giulianu, tutti i carciarati foru assistimati nta stu novu casirmuni e la Culummara tornau a esseri abbannunata e un postu di sulità chi signau lu so distinu.

Nta lu 1993 fu fattu un primu arrimeggimentu di la fràbbica pi 'un nnà fari sdirrupari. Na lu 2002 nascìu l’Assuciazioni Sarvamu la Culummara.

Nto 2009 vinni ricanusciuta di lu F.A.I. (Funnu di li cchiù beddi Posti Taliani) "Na cosa troppu mpurtanti chi 'un s'havia pèrdiri”.

Nta lu 2011 addivintau Dimaniu Riggiunali.

(Adattamento dialettale del socio Vito Blunda)

Mini storia della Colombaia in siciliano

Pubblichiamo la mini storia dellla Colombaia di Trapani in siciliano. La traduzione è a cura di Vito Blunda che l'Associazione Salviamo la Colombaia ringrazia per la gentile collaborazione.

A Culummara di Trapani Stu nobbili casteddu è chiantatu supra n'isulidda nfacci a lu portu di Trapani. Sì l'orìggini di la cità di Trapani sunnu mpastati cu la liggenna 'un si pò diri la stissa cosa di la Culummara. Di lu casteddu nn’avemu tanta canuscenza pi tutti ddì carti chi foru scrivuti di ddì omini sturiusi chi si nnì nnammuraru e chi puru ora si ponnu lèggiri e capiri, 'un sulu comu era nton certu tempu anticu, ma puru pi tanti àutri tèmpura. Nall’èbbichi passati, hannu statu assai li carti chi foru scrivuti di li tanti omini sturiusi pi putilli cunsignari e fariccilli lèggiri a chiddi c’avianu a vèniri doppu, pi chissu 'un si pò dari raggiuni a unu cchiù chi a n’àutru. U fattu è chi nta na pocu di sti carti s'attrovanu stunaturi e pi farivilli cunfruntari cu l'àutri nutizzi mpurtanti, vi li ripurtano ccà sutta.

----------------------------------------------------------------------------------------------------------

A prima vota chi si parlau di mèttiri mperi na turri pi cullucàricci un faru, fu pinzatu (sicunnu na pocu di sturiusi) 480 anni prima di la nascita di lu Bambineddu.

I trapanisi s'accurdaru cu li cartagginisi pi fari na verra contru li greci “Sicilioti”, la cosa cumminìa falla pi putiri aviri un signali comu puntu-luci fissu pi li varchi tunisini chi avianu a vèniri n-Trapani.

Pagghiri l’annu 260 prima di Cristu, mentri si cummattia la prima verra pùnica, Amilcari Barca ci fici frabbicari na turri e un casirmuni pi li so surdati nta lu postu unni havia statu cullucatu lu primu faru.

Nta lu 249 prima di Cristu i Rumani, cumannati di lu Consulu P. Claudiu Pulcru, si pigghiaru u pussessu di lu nobbili casteddu pi t’anticchia di tempu. A la lassata, i tunisini, ammaistrati di Aderbali, si nnì mpussissaru sùbbitu.

Nta lu 241 prima di Cristu, doppu la triunfanti battaglia navali di Lévanzu, li Rumani si la pigghiaru e si la tìnniru finu a quannu 'un si nnì mpatrunèru li Barbari sarvaggi. Di li fràbbichi, doppu chi foru stracanciati, jisati na l’èbbichi chi vìnniru appressu, 'un ci sunnu ducumenta calibbrati, però si capisci a vista, a manu muderna nnistata supra l’antica.

Nto 1076, lu Conti Ruggeru, na vota chi arriniscìu na lu ntentu d’addivintari patruni di la citati Trapanisa, ordinau la migghiuranza di li furtificazioni e rafforzau a Culummara.

Nta lu 1360 junciu di la Catalogna la Riggina Custanza, mogghi di Filiricu Vintimigghia, chi sbarcau a la Culummara e si ci trattinni puru p’abbitàricci.

Fu nta lu 1480 chi Martinu Primu, ssennu addivintatu Re, misi a novu lu casteddu e assistimau tutta Culummara.

Na lu 1607 rignannu Filippu Terzu Re di la Spagna e di la Sicilia, quannu scoppiau la verra nta lu so regnu, armau e stracanciau, prima d’ogni cosa, a Culummara.

Nto 1671 rignannu Carlu Sicunnu d’Austria, fu cullucata, pi junta alla turri e all’ellissi già prisenti, na battaria cchiù nica, ma chissa vinni puntata versu lu portu. Nta lu 1848 Trapani, chi havia pigghiatu parti a li moti rivuluziunari di lu 1820, fu una di li primi citati in Sicilia a ribbillarisi contru li Borboni e,

Na lu 1849 avennu li càrciari chini chini, i ribelli trapanisi foru nchiusi nta la Culummara e di tannu fu distinata comu càrciri. Nta lu 1939 i carciarati foru purtati nto càrciari di la Vicaria e la Culummara vinni usata pi addifènniri lu portu picchì c'era scrùsciu di n’àutra verra munniali.

Nto 1943, finuta la verra, turnau a essiri nàutra vota càrciari.

Nta lu 1965 ssennusi fattu n'àutru càrciari nta la zona di San Giulianu, tutti i carciarati foru assistimati nta stu novu casirmuni e la Culummara tornau a esseri abbannunata e un postu di sulità chi signau lu so distinu.

Nta lu 1993 fu fattu un primu arrimeggimentu di la fràbbica pi 'un nnà fari sdirrupari. Na lu 2002 nascìu l’Assuciazioni Sarvamu la Culummara.

Nto 2009 vinni ricanusciuta di lu F.A.I. (Funnu di li cchiù beddi Posti Taliani) "Na cosa troppu mpurtanti chi 'un s'havia pèrdiri”.

Nta lu 2011 addivintau Dimaniu Riggiunali.

(Adattamento dialettale del socio Vito Blunda)

Appello

Possiedi foto, quadri, filmati, documenti o ricordi che riguardano la Colombaia?
Contatta il Luigi Bruno - Presidente dell'Associazione Salviamo la Colombaia - Cell. 339/8002539
oppure invia una segnazione tramite mail dalla pagina dei contatti sul nostro sito.