Cara Culummara
Sularina e abbannunata
Senza vesta cu la scocca
A scolapasta ora ti viu
Pizzuliata di la ciocca!
I to' figghi sdisangati
Ti lassaru 'nta munnizza
A difesa di lu portu
D'iddri fusti la sarvizza
Quanno i turchi e li pirati
Ti vuliano assartari
Cu lu focu di cannuna
Scannaliati l'ammuttavi
Cu lu tempo a cuntrastari
Stai aspittannu chi quarcunu
Di lu sonnu s'arruspigghia
Pi putiriti accunzari
Filippa Di Marzo - Trapani, 21 gennaio 2008